Infeksionet e transmetuara seksualisht janë një shqetësim i madh individual, shoqëror dhe i shëndetit publik. Kostot e tyre sociale, shëndetësore dhe ekonomike janë të konsiderueshme dhe ndikojnë në jetën dhe mirëqenien e individëve si dhe marrëdhënieve në shoqëri.
Kuptimi i natyrës dhe përcaktuesve të kësaj barre shërbejnë që publiku dhe politikëbërësit të kuptojnë rëndësinë e menaxhimit të duhur të burimeve të pakta shëndetësore.
Sipas vlerësimeve të OBSH-së, në vit hasen mbi 500 milionë raste të reja të infeksioneve seksualisht të transmetueshme të shërueshme midis të rriturve të moshës 15-49 vjeç.
Në këto infeksione ku pjesën më të madhe e zënë sifilizi, gonorrea, klamidia dhe trikomoniaza, ku meshkujt përbëjnë rreth 53% të rasteve të reja. Grupet e rriskut mbeten personat që ndërrojnë disa partnerë në marrëdhënie seksuale e shpeshherë të panjohur.
Meshkujt që kryejnë seks me meshkujt janë një tjetër kategori që preken, pa harruar punëtoret e seksit si dhe personat që injektojnë drogra të ndryshme. Në luftën kundër sëmundjeve HIV/AIDS funksionon edhe Fondi Global, një program i mbështetur nga Ministria e Shëndetësisë.
Në bashkëpunim me shoqata të tjera jofitimprurëse, organizohen persona të fushës në mbështetje të grupeve të riskuara nga sëmundjet seksualisht të transmetueshme.