Plot 100 vjet më parë, kur mbërriti më 1919 në Paris, Esat Pashë Toptani ishte 58 vjeç. Ai zotëronte veç të tjerash një trashëgimi të vyer familjare: Formulën e një parfumi autentik të Princit të Skënderbeut, Karl Topia.
Formula e kishte bazën tek lulet e rralla dhe bimët e pyjeve dhe bjeshkëve shqiptare. Esat Pasha me zgjuarsinë e tij të lindur, ia doli që ta regjistronte si markë parfumi në një nga shtëpitë më në zë të modës në atë kohë dhe sot, themeluar nga Coco Chanel.
Ishte meritë e tij që e kishte ruajtur, por edhe fat që ia kishte treguar kombinimin komandantit të Shtabit të Forcave Aleate në Lindje, që kjo aromë shekullore u kthye në një parfum me emrin Esat Pasha.
Flakoni mbajti emrin “Parfum d’Essad Pacha” dhe vazhdon të prodhohet ende nga shtëpia e modës në Paris, vetëm me kërkesa ekskluzive.
Add A Comment