Disa ndryshime në qeverinë Rama janë bërë të ditura vetëm këtë mëngjes të enjte, ku ajo që bie në sy është emërimi në postin e Sekretarit të Përgjithshëm të Ministrisë së Brendshme i Plarent Ndrecës.
Avokati që më herët ka mbajtur këtë post në ministrinë e Arsimit dhe në atë të Mjedisit, zëvendëson në këtë detyrë Dritan Palnikajn. Ky i fundit emërohet këshilltar i kryeministrit.
Ndërkaq, Dritan Palnikaj që ka marrë postin e këshilltarit të Kryeministrit Rama, është emëruar Sekretar i Përgjithshëm i Ministrisë së Brendshme më datë 29 mars 2018. Më herët ka mbajtur detyrën e Këshilltarit të Kryeministrit dhe Ministrit të Brendshëm.
Ka punuar Avokat, përfaqësues i institucionit në Gjykatë si dhe inspektor jurist pranë AKKP.
