Google ka hequr nga Play Store shtatë aplikacione “spiune”, të cilat spiunonin dhe gjurmonin të dhëna të përdoruesve pa dijeninë e tyre dhe të gjitha ishin të projektuara nga programues rus.
Në total janë regjistruar rreth 130 mijë instalime thonë studiuesit e Avast, të cilët të dhënat e tyre ia dërguan kompanisë kaliforniane.
Aplikacionet që janë hequr janë: Track Employees Check Work Phone Online Spy Free, Spy Kids Tracker, Phone Cell Tracker, Mobile Tracking, Spy Tracker, Sms Tracker, Employee Work Spy. Më të shkarkuarat mes tyre ishin Spy Tracker dhe Sms Tracker, me 50 mijë instalime secila. Kur instaloheshin aplikacionet merrnin të dhëna si vendndodhja, kontaktet, regjistrin e telefonatave dhe mesazheve.
Subjekti i monitoruar ishte në fshehtësi të gjithçkaje, edhe pse në telefon nuk shfaqej asnjë ikonë e dukshme e aplikacionit. “Këto app nuk janë etike dhe janë problematike për privatësinë e personit, dhe nuk duhet të jenë në Play Store të Google pasi promovojnë të dhëna kriminale dhe mund të përdorin nga përpunuesit e të dhënave, spiunët apo partner për të spiunuar viktimat e tyre”, thotë Nikolaos Chrysaidos, shefi i sigurisë “mobile” të Avast.