Gjiganti amerikan i teknologjisë, platforma Microsoft deklaroi të shtunën se një ndërprerje globale që zgjati më shumë se 24 orë, e cila preku aplikacionet e tij Microsoft 365 të përdorura nga bizneset dhe qeveritë në mbarë botën, tashmë ka përfunduar.
“I kemi përfunduar me sukses përpjekjet tona për të zgjidhur problemin themelor të incidentit dhe kemi rikthyer shërbimin për klientët dhe rajonet e mbetura të prekura,” njoftoi kompania në platformën X. Aplikacionet e Microsoft-it si Teams, Outlook dhe Copilot u goditën të gjitha nga kjo ndërprerje, duke shkaktuar probleme komunikimi në dhjetëra vende.
Kompania ka deklaruar se nuk ishte në dijeni të ndonjë ndërhyrjeje të jashtme që mund të fshihej pas ndërprerjes, duke ia faturuar problemin defekteve në serverë.
Ky bllokim ishte një nga më të gjatët në historinë e Microsoft-it dhe i dyti për këtë vit.