Kanë kaluar shumë vite që nga transmetimi i një prej telenovelave më të ndjekura braziliane me titull “Kloni”, ku personazhi kryesor Zhade fitoi vëmendjen dhe dashurinë e të gjithë publikut. Nëse ju ka marrë malli për Zhaden, ju njoftojmë se shumë shpejt ajo do rikthehet në ekranin shqiptar me një serial të ri.
Drejtori i programacionit të TV Klan, Albert Dumani zbuloi dje i ftuar tek “Rudina” se pas mbarimit serialit “Dyshja fantastike”, në sezonin e ri televiziv do nisë një serial brazilian dhe është pikërisht “Segundo Sol”.
Giovanna Antonelli e cila dikur luante Zhaden, në këtë serial do luajë rolin e një gruaje me dy fëmijë, e braktisur nga bashkëshorti.