Një pasagjer i taksisë ‘Uber’ u trondit kur drejtuesit të makinës iu këput timoni dhe i mbeti në duar.
Përdoruesi i ‘Twitter’-it, në këtë rast pasagjeri, nga Gjeorgjia, postoi një video, tashmë virale, të ngjarjes së ndodhur të mërkurën.
“Drejtuesit të taksisë iu këput timoni”, shkroi mbi video.
Si rrjedhojë, taksistja, identiteti i të cilit nuk është bërë ende i ditur, tenton ta rivendosë timonin për ta kthyer sërish drejtimin e automobilit.
Një zëdhënës i ‘Uber’ tha për ‘Fox News’ se po hetojnë incidentin, por ende nuk ishin në gjendje të konfirmonin se gruaja në video ishte shoferja e taksisë.