Gjatë konferencës së tij për shtyp kreu i shtetit Ilir Meta u pyet për një letër të brendshme të PD-së, ku anëtarë të kryesisë dhe ish deputetë janë porositur të mos përfshihen në debatin e Metës me Sorosin.
Presidenti tha se nuk ndërhyn në debatin e brendshëm të asnjë partie, duke ironizuar dhe kreun e PD-së Lulzim Basha. Ai tha se nuk ka përfituar as një biletë avioni nga Soros, dhe do të vazhdojë me qëndrimet e tij parimore në mbrojtje të interesave kombëtare të Shqipërisë.
“Unë nuk ndërhyj në asnjë debat të brendshëm të asnjë force politike. Për çështjen në fjalë qëndrimi më duket se është bërë publik këtu para jush, unë nuk kam asnjë detyrim ndaj këtij emri që ju përmendët dhe ndaj gjithë fondacioneve të tij, asnjëherë nuk kam përfituar asnjë biletë avioni, as ndonjë gjë tjetër që të kem ndonjë detyrim apo brerje ndërgjegje, po dhe po ta kisha do tia kisha kthyer dhe do të vazhdojë të njëjtat qëndrime parimore në mbrojtje të interesave kombëtare dhe sovranitetit të vendit tim”, tha Meta.
