Presidenti i Republikës Ilir Meta, me anë të një letre drejtuar kreut të Kuvendit, Gramoz Ruçit, i kërkon këtij të fundit ngritjen e një Komisioni Hetimor Parlamentar, për rastin e dhënies së certifikatës së sigurisë për zv/ministrin e Jashtëm, Gent Cakajt.
Në shkresën e tij drejtuar një ditë më parë Kryeministrit, Meta shprehej se Ccakaj është pajisur me certifikate sigurie brenda 24 orëve, ndërkohë që nuk janë bërë verifikime në shtetet ku kandidati për ministër është shkolluar.
Ndërkohë që kreu i shtetit ka zbuluar se Gent Cakaj kur ka qenë në postin e zv.ministrit të Jashtëm ka punuar prej 7 muajsh pa certifikate sigurisë tepër sekret.
Me këtë veprim, sipas Presidentit ai ka vënë në rrezik informacionet e klasifikuara të NATO-s dhe BE-së.
“Nisur nga fakti që Drejtoria e Sigurimit të Informacionit të Klasifikuar është një institucion në varësi të drejtpërdrejtë të Kryeministrit, është e qartë se procesi i hetimit administrativ nuk mund të kryhet nga organe të tjera në varësi të Kryeministrit, pasi krijohet një situatë e pastër e konfliktit të interesit, gjë e cila mund të cenojë objektivitetin dhe cilësinë e hetimit të këtij rasti, Presidenti i Republikës, vlerëson se, për rastin konkret, Kuvendi i Shqipërisë mund të realizojë objektivisht këtë proces hetimor.
LETRA E PLOTË
