iPhone i ri që pritet të dalë në shtator mund të ketë dhe laps, një aksesor që Steve Jobs nuk e kishte shumë qejf.
Ky është një parashikimi i shpërndarë nga Citi Research, por që është folur shumë dhe në të shkuarën.
Apple Pencil, kështu quhet, u prezantua në shtator të 2015, si një aksesor për iPad Pro dheblihej më vete. Ai mund të funksionojë në kombinim të shkëlqyer me ekranin për të vizatuar në mënyrë më fluide dhe më natyrale.
Kjo risi e aplikuar në iPhone mund të transformojë pajisjen në çelës për dizajnin dhe grafikën. Kompania, rikujton Business Insider, aktualisht shet dy modele të Apple Pencil, njëri kompatibël me iPad Pro të riun, ndërsa versioni i vjetër funksionon edhe me iPad Air, iPad mini dhe iPad i gjeneratës së gjashtë. iPhone 2019 mund të jetë kompatibël me këtë aksesor.
Nëse ky parashikim do të konfirmohej në shtator, do i jepte fund bindjeve të Steve Jobs. “Askujt nuk i duhet një stilolaps”, ka thënë bashkëthemeluesi legjendar i kompanisë Apple në atë kohë, duke thënë se gishti duhet të jetë mjeti kryesor i kontrollit të iPhone.