Sot është dita e 69 e protestës së banorëve të Astirit te Unaza e Re. Njësoj si në ditët e shkuara edhe sot, qytetarët bllokuan rrugën dhe nuk lejuan që të kalojnë makinat. Kjo ka shkaktuar irritimin e shoferëve të cilët kanë kërkuar që të hapet rruga.
Disa nga banorët kanë replikuar edhe me efektivët e Policisë së Shtetit të cilët kanë ndërhyrë për të qetësuar situatën. Policia iu ka bërë me dije banorëve se protesta është e paligjshme, ndërkohë që ata kanë akuzuar uniformat blu si të komanduara nga qeveria.