Prej dy ditësh në media po përflitet për ndarjen e bujshme të Miley Cyrus dhe Liam Hemsworth, vetëm 8 muaj pas martesës së tyre.
Burime për “E!News” treguan se çifti e kishin marrë së bashku vendimin për t’u ndarë, në mënyrë që të fokusohen më shumë tek vetja dhe karriera e tyre personale.
Mirëpo, vetëm një ditë pas lajmeve të ndarjes, Miley u fotografua në krahët e një vajze, teksa putheshin e përkëdheleshin në jaht në Itali.
Vajza në fjalë quhet Kaitlynn Carter dhe në fotot që qarkulluan në rrjet, dallohej qartë se mes dy vajzave kishte më shumë se miqësi.
Para lidhjes me Miley-n, Kaitlynn ishte e lidhur me Brody Jenner, gjysmë vëllain nga babai të Kylie-t dhe Kendall-it.
Me Brody-n, Miley pati një debat virtual duke i treguar vendin njëherë e mirë, pasi i mori të dashurën.
Në një koment në Instagram, Brody shkroi:
“Vëmendje! Së shpejti, foto të miat dhe të Liam që ecim dorë për dore në plazh.”
Këtij komenti, Miley nuk vonoi t’i kthejë një përgjigje, që ka marrë vëmendjen e të gjithëve.
“Ik merr një sy gjumë në kamion dhe qetësohu,”- i shkruan Miley, duke e sqaruar njëherë e mirë këtë çështje dhe duke lënë të kuptohet se vajzat janë bashkë.