Sufllaqet në ditët e sotme sot janë shndërruar në një nga ushqimet më popullore në çdo cep të botës përfshirë sigurisht edhe Shqipërinë.
Pavarësisht shijes së tyre ngopëse dhe të plotë, sufllaqja në fast food-e është një ndër produktet më të kontestuara përsa i përket vlerave ushqimore por dhe dëmeve të saj sa i përket shëndetit.
E përgatitur në shtëpi, sufllaqja mbetet një ushqim fantastik.
Ja si ta përgatisim atë në shtëpi:
Përbërësit
2 lugë çaji maja buke
160 ml qumësht
1 lugë çaji kripë
1 lugë gjelle vaj ulliri
320 gr miell gruri
1 lugë çaji me sheqer
80 ml ujë i ruajtur në temperaturë ambjenti
Bashkoni sheqerin, majanë, ujin dhe më pas qumështin. Pasi ta përzieni, lëreni masën mënjanë për 5 minuta.
Në një enë tjetër bashkoni miellin dhe kripën. Përzjeini. I bashkojmë të dyja masat!
Brumin e spërkasim me miell. Punoni brumin, rrumbullakoseni dhe pastaj mbulojeni me pecetë të pastër kuzhine.
Duhet të pushojë 40 minuta pasi masa e tij të dyfishohet.
Më pas, vendosni një tigan në zjarr jo të lartë. Shtypeni brumi me duar dhe më pas e ndani në 6 pjesë të barabarta.
Hapeni secilën prej tyre në formën e rrethit me një diametër prej 20-25 centimetrash. Sapo të nxehet tigani hidhni një nga pitet.
Kthejini herë pas here nga të dyja anët derisa pitja të piqet dhe kështu bëni me të gjitha pitet e tjera.
Mbushja mund të bëhet sipas dëshirës.