Këngëtari i njohur kosovar Ledri Vula, duket se ruan raporte shumë të mira me gjithë familjen e Dua Lipës dhe këtë gjë e kanë treguar së fundmi përmes disa postimeve në rrjete sociale.
Familja e Dua Lipës, pas disa ditësh qëndrimi në Kosovë, ka nisur tashme pushimet në Mal të Zi, jo vetëm por me shoqërinë e Ledrit, kaluan ditën e djeshme së bashku në Ulqin.
Gjatë ditës ata kanë shëtitur me anije në bregdet, ndërsa natën e kanë kaluar në një ‘club’ ku Ledri ishte i ftuar për të kënduar.
Gjatë koncertit të tij reperi nuk ka nguruar të përshëndesë Gjinin, i cili ka qëndruar gjatë gjithë kohës aty i pranishëm së bashku me të atin.
Pavarësisht se vite më parë Ledri ka qenë në një lidhje dashurie me Dua Lipën, duket se kjo gjë nuk ka ndikuar aspak në marrëdhënien e tij me vetë këngëtaren, por edhe me familjarët e tjerë të saj.
Madje Dukagjini dhe Dua kanë treguar shpesh se e vlerësojnë tepër talentin e Ledrit, ndaj ai ka qenë një ndër të ftuarit kryesor në koncertin e organizuar prej tyre “Sunny Hill Festival”.