Një person 33-vjeçar nga Korça humbi jetën në shërbimin infektiv për shkak se u prek nga ethet hemorragjike qe përhapen nga miu. Kjo sëmundje ka prekur 5 persona në vendin tonë.
“Ishin dy në fakt, por falë shërbimit intensive, njëri arriti të mbijetojë dhe është jashtë rrezikut për jetën, ndërkohë që tjetri nuk arriti të mbijetojë,” u shpreh shefja e Shërbimit Infektiv, Najada Çomo.
Simptomat e etheve hemoragjike apo siç njihen ndryshe në popullatë, ethet e miut janë temperaturë dhe dhimbje artikulacionesh.
“Ethet hemoragjike përhapen nga minjtë, ndaj edhe quhen ethet emiut. Simptomat janë temperaturë, gjakderdhje nga hundët e të tjera,” tha Çomo.
Zonat e prekura nga ethet hemoragjike janë kryesisht ato malore si Tropojë, Kukës, Korçë, Ersekë. Ndaj banorët e këtyre zonave duhet të bëjnë kujdes me ushqimet në mënyrë që të mos kontaminohen nga minjtë.