Një çift ka bërë zbulimin e jetës. Adam Staples dhe Lisa Grace gjetën 2.571 monedha me vlerë 5.000.000 paund.
Monedhat datojnë rreth 1000 vite më parë dhe janë nga koha e mbretit Harold II, mbreti i fundit anglo-sakson i Anglisë, i cili vdiq në Betejën e Hastings ku u qëllua me një shigjetë në sy.
Ai mbajti fronin vetëm për shtatë muaj, kështu që monedhat nga periudha e mbretërimit të tij janë jashtëzakonisht të rralla.
Gjithashtu raportohet se çifti gjeti edhe monedha që datojnë nga periudha ende të panjohura.
Pjesa më e madhe e monedhave kanë një vlerë mes 1.000 dhe 5.000 paund secila.