Pas një rënie drastike në sezonin e verës, euro ka nisur të rritet disi.
Sipas kursit zyrtar të Bankës së Shqipërisë, një euro këtë të martë u këmbye me 121.49 lekë, duke shënuar të tretën ditë me rritje.
Sipas ekspertëve të këmbimit valuator, tradicionalisht fundi i muajit gusht shoqërohet me zhvlerësim të monedhës vendase.
Kjo, për shkak se të përfundimit të efekteve sezonale, teksa emigrantët largohen dhe fluksi i turistëve fillon të bie.
Ekspertët presin që deri në muajin dhjetor, monedha euro të vijojë të jetë më e qëndrueshme. Ndërkohë që nga fundi i po këtij muaji, ardhja e emigrantëve bën që valutat të zhvlerësohen.
Fillimi i muajit gusht, shënoi rënie drastike të Euros, duke zbritur në 120.75. Ishte jo vetëm niveli më i ulët i këtij viti, por edhe rekord i 12 viteve.