Nëse nuk do të kisha nxjerrë dekretin për shtyrjen e zgjedhjeve më 13 tetor, një përplasje mes dy palëve politike do të kishte qenë e pashmangshme.
Kështu është shprehur kreu i shtetit Ilir Meta në një intervistë për mediat italiane. Vetëm Gjykata Kushtetuese, thekson Presidenti mund të gjykojë dekretin tim dhe jo kryeministri.
“Zgjedhjet e qershorit nuk ishin as kushtetuese, as ligjore, as legjitime, vetëm Gjykata Kushtetuese mund të gjykojë dekretin e Presidentit, për të ardhur keq që veprimtaria e saj është pezulluar nga vullneti i Ramës. Për të kuptuar parregullsinë, mjafton të themi se në të 61 bashki fituan socialistët sepse nuk kishin asnjë kundërshtim si gjatë regjimit komunist”, ka thënë Meta.
Ndërsa i pyetur për përgjimet e Bild Meta thotë se është e papranueshme që vitet e fundit nuk janë bërë hetime të thella për këto ngjarje, që janë një nga rastet më të këqija të funksionimit të shtetit të së drejtës.
Kreu i shtetit është pyetur dhe për deklaratat e tij për Soros dhe përgjigja ka qenë kjo: “Ne jemi një kombi i vogël dhe duhet të jemi të kujdesshëm në një epokë globalizmi si ajo e tanishme për të ruajtur vlerat që janë bazë të Shqipërisë duke filluar nga identiteti ynë. Ne duhet të mbrojmë interesat tona kombëtare pa përfunduar në duart e lojtarëve ndërkombëtare privatë. Unë nuk jam populist por një realist që dëshiron të mbrojë Shqipërinë”, tha ai.