Policia e Elbasanit ka ndërmarrë një aksion arrestimesh.
Në 24 orë janë vënë në pranga 8 persona për vepra të ndryshme penale.
Unifromat blu raportojnë se në pranga ranë:
- 66 vjeçari me iniciale I.T., banues në Elbasan, pasi duke drejtuar mjetin kamion ka aksidentuar një këmbësor, shtetasin P.N.
- 44 vjeçari me iniciale G.M., banues në Elbasan, pasi ka ushtruar dhunë fizike ndaj babait të tij, në banesë.
-30 vjeçari me iniciale K.N., banues në Gjirokastër, u ndalua pasi ishte shpallur në kërkim kombëtar sepse ka kanosur dhe tentuar të ushtrojë dhunë fizike ndaj bashkëjetueses.
-37 vjeçari me iniciale F.K., banues në Elbasan u arrestua pasi Prokuroria e Rrethit Gjyqësor Tiranë e ka dënuar me 2 vjet burg për veprën penale “Prodhimi dhe shitja e armëve të ftohta”.
- 39-vjeçari me iniciale A.P., banues në Librazhd, pasi për motive të dobëta ka goditur me mjete të forta vëllain e tij, si dhe ka ushtruar dhunë fizike ndaj kunatës së tij.
- 39 vjeçari me iniciale P. Sh., banues në Prrenjas, u kap nga shërbimet e Policisë Librazhd, pasi ishte shpallur në kërkim kombëtar, për veprën penale “Dhuna në familje”.
- 44 vjeçari A.P., banues në Gramsh, pasi në fshatin Harunas, në vendin e quajtur “Bregu i Selesofit”, gjatë kontrollit të territorit nga shërbimet e Policisë, u gjetën dhe sekuestruan 42 bimë narkotike të kultivuara. Dyshohet se ky shtetas në bashkëpunim me një shtetas tjetër, i cili është shpallur në kërkim kombëtar dhe po punohet për kapjen e tij, ka kultivuar lëndë narkotike.
Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme.