Nuk ka rëndësi nëse jashtë bën 40 apo 10 gradë Celcius, pasi byreku, kryesisht me qumësht është një ndër recetat të cilën ne mund ta hamë në çdo kohë dhe në çdo rast.
Përbërësit për një tavë furre:
300 gr miell,
2 lugë vaj ulliri,
pak kripë,
150 ml ujë,
400 djathë Stracchino ose Crescenza.
Për ta zbutur sipër përpara pjekjes nevojiten 5 lugë vaj ulliri i përzier me 5 lugë qumësht.
Përgatitja: Fillimisht, në një tas hedhim miellin, vajin e ullirit, kripën dhe ujin dhe i përziejmë me dorë deri në momë=entin që kemi përfituar një brumë të butë. E vendosim mënjanë për 30 minuta në një tas, të mbuluar me qese kuzhine.
Më pas, brumin e ndajmë në dy pjesë dhe e hapim në petë të holla. Me kujdes njërën petë e shtrojmë në tavën e lyer me vaj ulliri dhe mbi të, me anën e një luge shpërndajmë djathin. Mbi të vendosim petën tjetër.
Sipër petës krijojmë disa vrima me pirun dhe e lyejmë të gjithë sipërfaqen me masën e përzier me vaj ulliri dhe me qumësht. Sobën e gradjmë në 200 gradë dhe e lëmë të piqet për 20 minuta.