Ish-kryebashkiakut të Durrësit Vangjush Dakos i është ndaluar hyrja në SHBA. Dakos dhe familjes së tij i është ndaluar hyrja për shkak të akuzave për korrupsion.
Por SHBA-ja i ka refuzuar vizën edhe ish-kryetarit të Parlamentit të Rumanisë Liviu Nicolae Dragnea për përfshirje në korrupsion.
Lajmi u bë i ditur nga Departamenti Amerikan i Shtetit në faqen e tij zyrtare, ku thekson se vendimi është marrë nga Sekretari i Shtetit Mike Pompeo.
Bashkë me ish-politikanin europian, u ndalohet hyrje në tokën amerikane dhe dy fëmijëve të tij, Valentinit dhe Aleksandra Dragnea.
Dragnea pason ish-kryebashkiakun e Durrësit Vangjush Dako në ‘’Listën e Zezë të Personave’’ të ndaluar për të hyrë në SHBA.