Një shqiptar është arrestuar këtë të diel nga policia greke për trafikim dhe posedim të lëndës narkotike marijuanë.
27-vjecarit, identiteti i të cilit ende nuk bëhet me dije, i është sekuestruar 38 pako me 53 kg e 257 gram marijuanë, si dhe dy celularë.
Policia e vendit fqinj ka tentuar fillimisht ta ndalojë 27-vjecarin në Kompoti të Artës, por pasi i është bërë shenjë ai ka shtuar shpejtësinë. Pasi ndjekja ka vazhduar, mësohet se shqiptari është kapur në rrugën Olimpia, pranë vendit të quajtur Selianitika, Axaia.
Sakaq, vijojnë hetimet për zbardhjen dhe implikimin e personave të tjerë në rrjetin e drogës.