Nëse ju ka shkuar në mendje që të përgatisni një antipastë të thjeshtë dhe të shijshme, kombinimi i djathit, pak arra, fiq të thatë dhe mjaltë është e shkëlqyer.
Kombinimi i djathit me mjaltin është shumë klasike, absolutisht i mirë për tu provuar ndërsa ka edhe vlera të larta ushqyese.
Përbërësit:
-4 fshere djathi brie nga 110 gr secila
-4 lugë të vogla me gjalpë
-mjaltë
-8 fiq të thatë
-40 gr arra
-40 gr boronica të kuqe
-trumëz e freskët
Përgatitja:
Fillimisht presim pjesën e sipërme të djathit me ndihmën e një thike të mprehtë. Duhet të tregohemi të kujdesshëm për të hequr pjesën e sipërme të djathit, por anët i lëmë të paprekura.
Vendosim fsheret e djathit në një tepsi në të cilën kemi shtruar letër furre dhe në to vendosim fiqtë të cilët i kemi ndarë në katërsh, boronicat dhe arrat e prera në copa të mëdha.
Së fundmi, shtojmë pak gjalpë dhe mjaltin. Në furrën e ngrohur në 180 gradë, e lëmë për afro 10 minuta. Shërbehet me feta buke të thekur ose me shkopinj.