Një banor i Astirit është vetëdorëzuar në Polici. Ai rezultonte i shpallur në kërkim.
Në një prononcim për mediat, teksa ka dalë sërish në protestë kundër projektit të Unazës së Re, banori është shprehur se nuk e di për çfarë akuzohet.
“Po vetë dorëzohem që ta di për çfarë akuzohem. Unë kam qenë punonjës policie por nuk kam dhunuar asnjëherë efektivë. Më kanë shpallur në kërkim sepse kam marrë pjesë në protesta, por në e vetmja gjë që duam është të zbatohen të drejtat tona. Polica më ka ardhur në shtëpi dhe më ka terrorizuar familjen,”- është shprehur ai.