Presidenti amerikan, Donald Trump, kërcënoi se do ta shkatërrojë Turqinë ekonomikisht, nëse ushtria turke sulmon forcat kurde në Siri. Sipas mediave të huaja, ushtarët turq janë bërë gati për të luftuar, pas njoftimit të Shteteve të Bashkuara për të tërhequr trupat amerikane nga territori sirian.
Në dy postime në Twitter, Trump tha se ai nuk dëshiron edhe provokim nga ana e kurdëve ndaj Turqisë. Forcat amerikane kanë luftuar së bashku me milicinë kurde në veri të Sirisë kundër militantëve të grupit ekstremist, Shteti Islamik ISIS.
Por Turqia i konsideron pjesëtarët e Njësiteve kurde për Mbrojtjen e Popullit (YPG) si terroristë. Presidenti turk, Rexhep Taip Erdogan ka deklaruar me zemërim për mbështetjen amerikane ndaj këtij grupi dhe ka premtuar se do ta shkatërrojë atë.
Komentet e Trump kanë ardhur pas kritikave që ka pranuar presidenti amerikan kur ka njoftuar për tërheqje të trupave amerikane nga Siria. Konflikti në Siri ka nisur më 2011 derisa SHBA-ja është përfshirë në të më 2015.