Dalin në dritë në lidhje me mbi vrasjen e shqiptarit Albert Baku mëngjesin e sotëm në burgun e sigurisë së lartë në Koridalo, ndërkohë që edhe Ministria e Drejtësisë ka dalur me një njoftim zyrtar.
Gazetari shqiptar në Athinë, Shpëtim Zinxhiria bën me dije se Ministria e Drejtësisë së Republikës së Greqisë ka nxjerrë njoftimin zyrtar rreth ngjarjes së ndodhur mëngjesin e sotëm në Koridalo.
Sipas mediave vendase, gazetari shqiptar raporton se për këtë lëvizje të Albert Bakut nga burgu i Kretës në atë të Athinës, grupi rival kishte dijeni ku i bënë pritë dhe e vranë me thikë, armë që i kishin përgatitur me mjete rrethanore.
Bako, akuzohet nga drejtesia greke se së bashku me një tjetër , mori pjesë në tentativën e vrasjes së avokatit Antonopoulos, ndërkohë që ai ishte nxitës moral i vrasjes së avokatit Zafiropulos.
Për vrasjen në tentativë të z. Antonopoulos, gjyqtarët e dënuan Arber Bakon me 22 vite burg dhe bashkëpunëtorin e tij me 23 vite, duke pranuar se ishin autorë të tentativës për vrasjen e avokatit duke kryer një kontratë me vdekje të paguar …
Njoftimi i Ministrisë së Drejtësisë Greke
Një sulm vrastar ka ndodhur këtë mëngjes në ambjentet e paraburgimit të Koridallos ndaj shqiptarit Albert Baku nga dy prej të burgosurve. Viktima si dhe kryerësit e paraburgosurit e tjerë janë shqiptarë dhe transferuar nga CP Domokos Kretë, në gjyq si të akuzuar përkatësisht si bashkëpunëtor në rastin e vrasjes së avokatit Michael Zafiropoulos dhe ishin në të njëjtën godinë, që ishte mbajtur më parë. Viktima ishte dënuar edhe për tentim vrasje të avokatit C. Antonopoulos.
Incidenti po hetohet për vepër penale dhe disiplinore, dhe me urdhër të Ministrit të Drejtësisë Z. Michael Kalogerou është kryer një mbledhje e jashtëzakonshme në burgun e sigurisë së lartë CP Koridallos, nga sekretari Përgjithshëm Penal.
Sipas mediave greke, shqiptari ka humbur jetën pas një përleshjeje me të burgosur të tjerë.
Albert Baku ishte transferuar sot në burgun Koridallos, dhe kjo siç duket ka sjellë përplasjen e tij me grupet rivale, të cilët e kanë masakruar, ku më pas ka gjetur vdekjen.
Baku vuante dënimin në një tjetër burg grek, pasi ishte arrestuar për ngjarjen e vitit 2014.
Në nëntor të vitit 2014, në një bar në Mikrolimano të Greqisë, ku argëtoheshin edhe fëmijë, Baku hapi zjarr me kallashnikov ku plagosi 14 persona.
Po ashtu Baku akuzohej se urdhëroi dy shqiptarë që të vrisin avokatin grek Michael Zafiropoulos.
Shqiptari Albert Baku u arrestua atë kohë në Bullgari, pasi ishte shpallur në kërkim nga policia greke.