Instagram ka bërë të ditur se do të ndërmarrë masa të rrepta për postimet që lidhen me produktet e humbjes së peshës dhe kirurgjisë estetike.
Disa postime do të fshihen për personat nën 18 vjeç, ndërsa të tjerat që lidhen me promovimin e produkteve “mrekullibërëse” për të humbur peshë do të hiqen.
Ky reagim vjen pas shqetësimeve që janë ngritur për ndikimin që kanë promovimi i produkteve dietike tek të rinjtë.
Aktivistja Jameela Jamil thotë për BBC se “është një fitore e madhe”, në luftën kundër industrisë së dietave dhe detoksit.
Çfarë është e re?
Promovimi joreal “dobësohesh menjëherë” do të hiqet dhe të rinjtë do të kufizohen të shohin postime të tilla që lidhen me dietat dhe ndërhyrjet kozmetike.
Këto risi do të vijnë dhe në Facebook, i cili zotëron Instagramin. Menaxherja e rregullave të publikimit të Instagram, Emma Collins thotë: “Ne duam që Instagrami të bëhet një veend pozitiv për këdo që e përdor dhe ky rregull është pjesë e punës sonë për të reduktuar presionin që njerëzit ndjejnë shpesh nga mediat sociale”.