Pak kush nga ne mendon se sa efektive është gështenja e egër. Lulet e gështenjës së egër janë me përmasa të mëdha, femërore dhe dhe mashkullore.
Fruti i saj ngjyrë e blertë është e mbështjellë me gjemba farëmëdhenj ngjyrë kafe. Pemës së gështenjës së egër i përdoren gjethet dhe lëkura. Kjo e fundit mblidhet në periudhën shtator-tetor nga degët mbi trevjeçare.
Ajo ka një sërë vetish. Përdoret kundër temperaturave të përsëritura dhe të përkohshme, shëron dobësinë e barkut tek femrat, mund të kurojë hemorroidet, mund të forcojë muskujt, të pastrojë traumat dhe ulcerat, qarkullimin e gjakut, gjithashtu edhe venat e zgjeruara.
Gështenja e egër gjen përdorim të gjerë për disa sëmundje;
Shiatiku
Këshillohet të merren 5 deri në 10 kokrra të gështenjës, të grihen në pjesë të vogla dhe më pas t’i përzieni në një litër raki të fortë. Shishja duhet të mbulohet për 3-4 javë dhe të tundet shpesh. Pasi ka kaluar kjo periudhë, ajo kullohet ndërsa me të bëhet masazhi i pjesëve të trupit të prekura nga nervi shiatik tri herë në ditë. Ajo përdoret deri në momentin që kanë pushuar dhimbjet.
Kolla e bardhë
Në mënyrë që të kurojmë kollën e bardhë, marrim 50 gr lëkurë të shtypur gështenje. E ziejmë për shumë kohë me një litër ujë.Përzierja kullohet dhe pihet nga një filaxhan për çdo ditë.
Hipertrofia
Gështenjës së egër i merren 100gr lëvore fare. Në momentin që zhvishet nga fara, grimcojeni mirë dhe më pas lëreni në një litër alkool etilik 96%.
Shishja duhet të mbyllet për 10 ditë dhe duhet tundur sa më shpesh të jetë e mundur. Konsumimi fillohet pas 10 ditësh. Merren nga 10 pika të tretura në pak ujë, dy herë në ditë. E mira do të ishte para dreke dhe para darke. Kjo lloj terapie zgjat 20 ditë. /Alblandmedia