Të mbash koleksione librash në një qytet me rrugët prej uji, duket ide e rrezikshme, por në librarinë Acqua Alta, në Venecia, nuk ka asgjë për t’u pasur frikë, sepse i ka të gjitha masat për t’i mbrojtur nga uji.
Të hysh aty brenda është si të zhytesh në një botë, në dukje, kaotike dhe e largët nga mënyra jonë e jetesës, për këtë arsye janë të shumtë ata qe vizitojnë këtë bibliotekë për të admiruar veçantinë e saj.
Mes korridoreve të ngushtë të librarisë “Acqua Alta”, mund vetëm të humbasësh për t’u gjetur sërish nga pas, ku ka një surprizë që na pret: një shkallë e bërë e gjitha prej librash të destinuar drejt shkatërrimit.
Një vend i përkundur mes realitetit dhe fantazisë, bërë prej, siç shkruan shkrimtari Carlos Ruiz Zafón,“asaj arome letre dhe magjie që pashpjegueshëm askujt nuk i kishte vajtur ende në mendje ta fuste në shishe.”