Në një kohë që Instagram përpiqet të kufizojë reklamat për produkte për dobësim apo këshilla bukurie, Facebook ka zgjedhur të japë këshilla mode përmes inteligjencës artificiale.
Përmes një funksioni të ri në rrjetin më të madh social do të japë këshilla për përdoruesit për t’i ndihmuar të jenë në modë, dhe ky funksion do të quhet Fashion+++. Kaq dihet për momentin.
Ky sistem përdor një rrjet neutral fotosh për të identifikuar veshjet dhe për të ofruar modifikime mbi atë që përdoruesi duhet të heqë, të shtojë apo të ndryshojë.
Nuk do të këshillojë se çfarë të blesh, por “mund të rekomandojë mënyra të ndryshme për të rregulluar një veshje për ta bërë më të mirë, apo si të veshësh këmishën e të ngresh mëngët”, shpjegon Facebook.
“Fashion+++ fokusohet tek detajet e vogla, sugjerimet realiste dhe praktike, pa sforcuar askënd të blejë veshje të reja”, thotë vetë Zuckerberg në faqen e Facebook.
Për më tepër, kjo risi është e vëmendshme ndaj qëndrueshmërisë dhe etikës së produkteve të modës, dhe për këtë kur të jetë e mundur do të këshillojë përdoruesit për tendencat apo produktet që mbrojnë ambientin tonë.