Pas dy tërmeteve shkatërruese që goditën vendin tonë dhe përmbytet më pa, Mekanizmi i Mbrojtjes Civile të BE-së është aktivizuar nga autoritetet shqiptare bën të ditur EU Near.
Në një përgjigje të menjëhershme, BE ka ndihmuar në furnizimin me ndimë të parë dhe sende të ndihmës, siç janë tendat, gjeneratorët e energjisë dhe pompat e ujit në zonat e prekura.
Komisioneri për Ndihmën Humanitare dhe Menaxhimin e Krizave, Christos Stylianides tha: “BE qëndron në solidaritet me Shqipërinë në këtë kohë të vështirë dhe mbështetja jonë thelbësore tashmë është duke shkuar. Ekspertët evropianë, asetet për të shpëtuar jetën dhe materialet së shpejti do të jenë atje. Falënderoj ngrohtësisht Austrinë, Kroacinë, Hungarinë, Slloveninë dhe Norvegjinë për ofertën e tyre të ndihmës përmes Mekanizmit tonë të Mbrojtjes Civile. Mendimet tona janë me të gjithë ata që janë prekur. Ne jemi të gatshëm të ofrojmë ndihmë të mëtejshme”.
Ndërkaq, Qendra e BE për reagimin ndaj urgjencës është në kontakt të vazhdueshëm me autoritetet shqiptare për të monitoruar nga afër situatën dhe për të kanalizuar ndihmën e mëtejshme të BE-së sipas kërkesës. Gjithashtu do të vendoset dhe një ekip i mbrojtjes civile të BE nga disa ekspertë për të lehtësuar koordinimin e ndihmës së ardhshme.
