Facebook duhet të heqë dhe përmbajtjet e njëjta me ato që tashmë janë gjykuar si të paligjshme. Ky është vendimi i Gjykatës së BE duke sqaruar se një kërkesë e ngjashme nga ana gjyqësori nuk shkel dispozitat e direktivës europiane mbi tregun elektronik dhe mund të zbatohet në të gjithë botën në kontekstin e të drejtës ndërkombëtare.
Me këtë vendim të së enjtes Gjykata e BE vendos kështu që gjyqtarët evropiane kanë të drejtë të kërkojnë heqjen nga web jo vetëm të përmbajtjes që ata e konsiderojnë të paligjshme, por edhe ato të ngjashme me të.
Kjo bëhet pa shkelur standardet evropiane dhe lirisë së shprehjes. Çështja nisi me veprimin juridik të austriakes Eva Glawischnig-Piesczek, kryetarja e grupit parlamentar të të Gjelbërve para gjykatës austriake.
Ajo kishte kërkuar të urdhërohej Facebook të fshihej një koment i publikuar nga një përdorues që ndikon negativisht në figurën e saj, si dhe deklarata identike apo ekuivalente me të. Gjykata e Lartë Austriake i kishte kërkuar asaj të BE të interpretonte direktivat mbi tregun elektronik për të kuptuar se si të zbatonte normën.
Gjykata e BE vendosi se edhe pse Facebook nuk është përgjegjës për informacionin e publikuar, dhe nuk është i vetëdijshëm për paligjshmërinë e tij, kjo nuk ndikon e ndalon të fshijë apo të parandalojë një shkelje.
Sipas këtij vendimi, gjykata e një vendi mund të kërkojë heqjen e informacionit që i nënshtrohet urdhrit ose të bllokojë aksesin në të në nivel global, bazuar në ligjin përkatës ndërkombëtar, të cilin shtetet anëtare e marrin parasysh.