Një 33-vjeçar është arrestuar nga policia pasi është kapur me armëmbajtje pa leje. Pas arrestimit të tij policia ka sekuestruar armë zjarri, pushkë sportive, fishekë luftarakë, armë të ftohta, dhe sende të tjera të kundraligjshme.
Kanë qenë qytetarët që kanë njoftuar policinë për 33 vjeçarin Gj.M që mbante armë. Gjatë kontrollit të ushtruar në banesën e këtij shtetasi, Policia gjeti dhe sekuestroi në cilësinë e provës materiale: Një armë zjarri pistoletë; një pushkë sportive; 92 fishekë luftarakë; një thikë; një shufër metalike; 11 ora dore dhe një set me enë kuzhine, të kundraligjshme.
Tashmë mbi Gj. M., do të rëndojnë akuzat për veprat penale “Mbajtja pa leje e armëve dhe e municionit”, “Mbajtja pa leje e armëve sportive” dhe “Mbajtja pa leje e armëve të ftohta”.