Më shumë se 1.9 milionë qytetarë me të drejtë vote do t’i drejtohen sot kutive të votimit për legjislaturën e shtatë të Kuvendit të Kosovës. Procesi zgjedhor ka nisur në orën 07:00 dhe pritet të përfundojë në orën 19:00.
Ambasadori amerikan në Kosovë Philipe Kosnnet nëpërmjet një mesazhi në Twitter u bëri thirrje të gjithë qytetarëve të dalin të votojnë, duke theksuar se çdo votë është e vlefshme.
Zgjedhjet në Kosovë po ndiqen me vëmendje edhe në Tiranë.
Reagimi i parë nga qeveria ka ardhur nga Ministrja e Shtetit për Marrëdhëniet me Parlamentin dhe njëherazi Zëdhënëse e qeverisë, Elisa Spiropali, e cila përmes një postimi në rrjetet sociale ka dhënë mesazhin se votimet e sotme nuk janë thjesht garë për Kryeministrinë, por kanë të bëjnë me ardhmërinë e Kosovës.
“Kjo nuk është garë veç për Kryeministrinë, po për KOSOVËN & ARDHMËRINË. 🇽🇰🇦🇱”-shkruan Spiropali.
Gjithashtu 110 ekipe të lëvizshme do të jenë gati për 1315 votuesit e ngujuar në shtëpi dhe 1470 votuesit me lëvizje të kufizuar në institucione. KQZ-ja për këto zgjedhje ka akredituar rreth 35 mijë vëzhgues.
Ambasadori amerikan në Kosovë Philipe Kosnnet nëpërmjet një mesazhi në Twitter u bëri thirrje të gjithë qytetarëve të dalin të votojnë, duke theksuar se çdo votë është e vlefshme.