Gështenjat vijnë bashkë me vjeshtën dhe është një nga ushqimet më të dobishme të kësaj stine. Në të shkuarën konsiderohej ushqimi i të varfërve, por sot qoftë të pjekura, të ziera apo të thata janë në krye të tavolinës plot mirësi.
Mësoni disa prej vetive të saj
Thyen urinë
Ka një veti ngopëse aq sa ka marrë edhe nofkën “buka që rritet në pemë”. Mielli i sj përdoret në kuzhinë dhe ka qenë një nga ushqimet më të rëndësishme në zonat rurale dhe të maleve në kohët antike. Gështenjat janë të pasura me karbohidrate.
Bark të sheshtë
Përmbajtja e lartë e celulozës tek gështenjat është një aleate e mirë ë funksionimit të zorrëve. Ato kanë veti antiinflamatore falë pranisë së acidit fenolik, dhe fuqive të tij antioksidante. Nuk përmban gluten, por e pasur me mineralet thelbësore për funksionimin e mirë të organizmit.
Jo kolesterol
Gështenjat nuk kanë shumë yndyrna por përmbajtje të lartë fibrash që janë një aleat kundër nivelit të lartë të kolesterolit. Kush është në dietë apo duhet të kontrollojë peshën duhet të kufizojë përdorimin e tyre, apo ti zëvendësojë me ushqime të tjera gjatë vakteve kryesore.
Krahas organizmit, gështenja është një frut me veti të mrekullueshme dhe në kozmetikë. Kremrat hidratues, për fytyrën apo për flokun me përbërje gështenje janë fantastike!