Kryeministri italian do të qëndrojë të martën (15 tetor) në Tiranë, vizita e parë zyrtare e tij në vendin tonë.
Gjatë qëndrimit të tij në Tiranë, kreu i ekzekutivit italian Giuseppe Conte do të takohet me Presidentin e Republikës Ilir Meta dhe me homologun e tij shqiptar Edi Rama.
Lajmi është konfirmuar për mediat nga burime zyrtare. Ndërkohë, vizita e Contes vjen pak ditë përpara se Shqipëria të marrë përgjigjen për negociatat nga Bashkimi Evropian.