Më 14 shtator, çifti i njohur Jonida Vokshi dhe Besnik Krapi i dhanë fund beqarisë.
Në një dasmë madhështore ata i thanë “po” njëri-tjetrit dhe tani kanë nisur jetën në Prishtinë.
Menjëherë pas dasmës ata u nisën për të kaluar muajin e mjaltit në një vend që nuk e zbuluan, megjithatë nga fotot u duk se ata kaluan shumë mirë.
Tani ata i janë kthyer përditshmërisë së tyre dhe duket se martesa nuk paska ndryshuar shumë gjëra në jetën e tyre.
Nëpërmjet një fotoje të publikuar në Instagram, Bensik Krapi ka treguar se edhe pas martesës ka mjaftueshëm liri.
“Jonida Vokshi, qishtu ish kjo punë. Ti me shoqe unë me shokë”, shkruan ai dhe në foto shfaqet duke drekuar me një shok.
Epo të gjithë tremben nga martesa sepse mendojnë se do kushtëzohen, por nëse është kështu si thotë Besniku, le të martohemi të gjithë…
