Apple do të nxjerrë në treg një iPhone më të vogël dhe më ekonomik në tremujorin e parë të 2020 me një çmim prej 399 dollarësh, një shifër mjaft e ulët kjo.
Për këtë është i bindur analisti i njohur Ming-Chi Kuo i TF Securities, sipas të cilit smartphone do të jetë faktor kyç në rritjen e Kupertinos.
Kjo pajisje do të ishte dhe pasardhës i iPhone-it të vjetër SE që hyri në treg në 2016. I quajtur “iPhone SE 2”, telefoni i ri, sipas ekspertëve, do të ketë një prodhim prej 2-4 milionë njësi në muaj.
Apple Apple gjatë 2020 pritet të shesë rreth 30 milionë njësi. Gjithmonë sipas asaj që thotë Kuo, i cili i referohet faqes AppleInsider, iPhone i ardhshëm duhet të ketë një ekran prej 4.7 polsh, procesor A13, 3 GB Ram dhe një memorie prej 64 ose 128 GB. Analisti tregon dhe ngjyrat që do të ketë që do të jenë gri, argjend ose e kuqe.