Stafi i kopshtit zoologjik tregoi se një luan i përmasave të tilla si ai i kopshtit, mund t’i marrë jetën një njeriu në vetëm 15 sekonda.
Vizitorët e kopshtit zoologjik të New Delhi kanë ngelur të shokuar ditën e sotme, pasi një djalë është parë teksa ka kaluar gardhin rrethues në parkun e luanëve, dhe pa hezituar është futur në të.
Djali 28-vjeçar i quajtur Rehan Khan, nga Behari i Indisë, është përshkruar si i paqëndrueshëm mendërisht nga dëshmitarët prezentë të kopshtit zoologjik, pasi rojet e sigurisë së kopshtit i kanë thërritur atij disa herë teksa po kalonte gardhin, por më kot pasi 28-vjeçari ishte i bindur në atë që po bënte dhe i ka shpërfillur ata.
Më pas djali u filmua teksa ishte ulur ballë për ballë më një nga luanët, i cili nuk i bëri asgjë atij, por për më tepër e lejoi njeriun t’i shtrihej pranë dhe ta përkëdhelte.
Stafi i kopshtit zoologjik tregoi se një luan i përmasave të tilla si ai i kopshtit, mund t’i marrë jetën një njeriu në vetëm 15 sekonda.
Sipas tyre, djali ka shpëtuar mrekullisht, dhe veprimet e luanit nuk janë aspak të zakonta, pasi ajo nuk është një kafshë miqësore për njerëzit.