Vetoja e Francës ka bllokur nisjen e negociatave të pranimit në BE për Shqipërinë dhe Maqedoninë Veriore, duke vënë në dyshim të gjithë procesin e zgjerimit evropian.
Samiti Evropian i mbajtur ditën e djeshme, vazhdoi deri vonë në mbrëmje, dhe si përfundim nuk i dha dritën jeshile rekomandimit të formuluar nga Komisioni në lidhje me aneksimin e dy vendeve të Ballkanit në Union, as pas debateve të vazhdueshme midis vendeve kundërshtare dhe atyre që janë në favor të negociatave, siç është edhe Italia, shkruan IlFatto, transmeton Tirananews.al
Përveç Francës, Hollanda me Danimarkën, janë gjithashtu dy vende kundër aderimit të Shqipërisë në familjen evropiane.
Puna e Këshillit Evropian rifilloi këtë mëngjes por Kryeministri Hollandez Rutte, ka njoftuar se negociatat aktualisht kanë “ngecur’ dhe se diskutimi është shtyrë në mbledhjen e rradhës të Këshillit të BE-së.
“Ka shkuar keq, nuk u pa e nevojshme nga disa vende të hapen negociatat, do të kishte qenë e mjaftueshme për të filluar procedurën. Ishte një gabim historik”, komentoi kryeministri italian Giuseppe Conte, duke shtuar se ishte “PRO” hapjes së negociatave për Shqipërinë dhe Maqedonisë Veriore “.
“Më vjen shumë keq për popullin shqiptar dhe me atë të Maqedonisë Veriore. Ata kanë bërë përpjekje të jashtëzakonshme. Shpresoj se zhgënjimi dhe ankthi nuk do të zgjasë, pasi Italia do të do të qëndrojë pranë këtyre dy vendeve dhe do t’i mbrojë ata”, përfundoi Conte.
Zgjerimi i BE-së, Conte: “Nuk kanë bërë asgjë?” Për Shqipërinë dhe Maqedoninëe Veriut ishte një gabim historik”
Ankesat e përsëritura nga Komisioni dhe Parlamenti i BE-së dhe mesazhet nga Tirana dhe Shkupi në fakt nuk duket se kanë pasur ndonjë efekt tekpresidenti francez, i cili ka vendosur veton dhe vazhdon të kërkojë të reformojë të gjithë ekipin vendimmarrës të BE-së,së pari për t’i dhënë zgjerimit besueshmëri më të madhe. Vetëm atëherë dyert e Evropës mund të hapen për vendet e reja. Një pozicion që fsheh nevojën e Macron për të mbajtur nën kontroll forcat e brendshme populiste.
Karta e fundit në tryezë për ta bërë presidentin francez të ndryshojë mendje është Finlanda, e cila mban presidencën e BE-së, me të ashtuquajturin “shkëputje”, përmes një platforme për t’i trajtuar veçmas njëra-tjetrës fatet e Shqipërisë dhe Maqedonisë Veriore.
“Sakrifikimi” i Tiranës dhe shpëtimi i Shkupit ishte përpjekja përfundimtare për të mos destabilizuar rajonin.
Nëse liderët e BE nuk japin dritën jeshile në negociatat “qeveria jonë do të mbarojë”, paralajmëroi kryeministri maqedonas Zoran Zaev. Por opsioni i ndarjes së fatit të dy vendeve nuk duket se gjen favor në Paris, dhe gjithashtu me disa shtete si Italia, të cilat do të donin një rrugë të qartë për të dy. Pengesa nuk do të kuptohej nga qytetarët shqiptarë dhe maqedonas, paralajmëroi presidentin e Parlamentit Evropian, David Sassoli.
Mbetet në dorën e Komisionit të ri të BE-së për të mbajtur gjallë shpresat e Ballkanit, me presidenten e zgjedhur Ursula von der Leyen i cili thotë se është e bindur se Shqipëria dhe Maqedonia Veriore ” kanë bërë përpjekje të mëdha për t’u afruar me standardet evropiane dhe për të merituar një sinjal pozitiv “.
/TIRANANEWS.AL