“Edhe një” është qasja më e re ndaj grave dhe vajzave, nismë kjo e anëtareve të Kryesisë së Partisë Socialiste, ku në themel të saj ka integrimin e tyre në politikë dhe jo vetëm.
Gjatë fjalës së tij kryeministri Edi Rama deklaroi se gratë dhe vajzat shqiptare nuk mund të jenë vetëm ‘dekor’, por duhet të bëhen pjesë e vendimmarrjeve. Rama zbuloi edhe një mesazh dërguar gjithë kryebashkiakëve ku i ka kërkuar që të kenë kujdes, pasi nënkryetarja e parë duhet të jetë patjetër grua.
Ai theksoi se PS është partia më e votuar nga grate dhe vajzat, duke u shprehur se kësisoj ka ende potencial të madh të paçliruar, duke ftuar këtë gjini të bëhet pjesë aktive e vendimmarrjes.
“Gratë janë më pak të korruptueshme se burrat. Kemi 50% të këshillave bashkiak që janë gra dhe vajza, 60% e administratës publike janë gra dhe vajza dhe kjo do të thotë që minimalisht kemi 60% e administratës janë më pak të korruptueshëm pasi gratë dhe vajzat korruptohen më pak se burrat”, tha Rama.