Një javë më parë qyteti i Berati9t u terrorizua në orët e natës nga një 32-vjeçar i cili zbrazi dy karikatorë në ajër në një lokal të qytetit.
Kriso Vangjeli, ishte konfliktuar paraprakisht me një person në lokal, dhe kishte marrë kallashnikov. Kur ishte kthyer nuk e kishte gjetur personin me të cilin ishte konfliktuar duke qëlluar në ajër.
Ai u arrestua në Tiranë nga efektivët e komisariatit nr. 4 teksa qëndronte tek një i afërm i tij.
NGJARJA
Ngjarja ka ndodhur rreth orës 01:30 minuta në Bulevardin “Republika” të qytetit dhe menjëherë pas të shtënave me armë, policia ka shkuar në vendngjarje, ku kanë gjetur vetëm gëzhojat e armës “kallashnikov”.
Pas pyetjes së dëshmitarëve në vendngjarje dhe pas sekuestrimit të kamerave të sigurisë të bizneseve përgjatë Pedonales, policia arriti të identifikojë autorin e ngjarjes, 32-vjeçarin Krios Vangjeli. Burime konfidenciale kanë deklaruar se konflikti mes dy të rinjve ka ardhur gjatë një loje “pokeri” mes tyre.
