Po luhet në Budapest ndeshja e fundit në grupin e Ligës së Kombeve për Shqipërinë. Kuqezinjtë po përballen me Bjellorusinë.
28′- Rey Manaj shënon për Shqipërinë
17′- Kristjan Asllani godet traun e portës në hyrje të zonës. Shpëton Bjellorusia. Më herët Laçi humbi shanin e artë nga shumë pranë zonës
1′- Ka nisur në Budapest ndeshja e Kombëtares kundër Bjellorusisë për Ligën e Kombeve.
Kombëtarja shqiptare po luan prej orës 18:00 në Budapest të Hungarisë ndeshjen e fundit në grupin e Ligës së Kombeve kundër Bjellorusisë. Kuqezinjtë vijnë si të parët e grupit me 12 pikë, 2 më shumë se Bjellorusia e vendit të dytë që është përfaqësuesja e vetme që kërcënon kuqezinjtë për kreun. Për këtë arsye, të besuarve të Maran u mjafton qoftë edhe 1 barazim për të përmbushur objektivin.
Për këtë duel Shqipëria do të ketë mungesën e Ernest Muçit, futbollistit i cili realizoi një supergol kundër Finlandës. Për shkak dëmtimi që ai mori në këtë përballje nuk do të jetë i disponueshëm.
Në formacionin zyrtar është konfirmuar se vendin e Muçit do ta marrë Arbër Hoxha, ndërsa si në përballjet e fundit kuqezinjtë do të luajnë me skemën 3-4-2-1. Në portë do të jetë Etrit Berisha. Në mbrojtje Berat Gjimshit, Ardian Ismajli dhe Mario Mitaj. Në mesfushë nga krahët Elseid Hysaj dhe Stavro Pilo, ndërsa në qendër Asllani do të mbështet nga Julian Shehu, i cili ka marrë vendin e Ramadanit që mungon për shkak kartonësh. Në pjesën e përparme Hoxha dhe Qazim Laçi do të mbështesin Rey Manajn.