Keivi Hysa një nga autorët e vrasjes së Edmond Theodhorit, biznesmenit nga Saranda me të cilin ai dhe xhaxhai i tij pas një konflikti.
Ngjarja e rëndë ndodhi në korrik të vitit 2015, ku bashkë me persona të tjerë Hysa e ka qëlluar Theodhorin me shkop bejzbolli dhe tytën e pistoletës. Pas kësaj një nga autorët iu afrua dhe qëlloi në drejtim të biznesmenit, i cili gjeti vdekjen e menjëhershme.
Ndërkaq një vit më parë një prej autorëve të ngjarjes, Eljon Hysa u gjet i pajetë pasi kishte humbur kontaktet me familjen në Laç. Ai u gjet i groposur pranë varrezave të Niklës.
NJOFTIMI I EKSTRADIMIT
Ekstradohet nga Interpol Tirana një tjetër shtetas i shpallur në kërkim ndërkombëtar për Vrasje
U krye ekstradimi nga Milano/Itali drejt vendit tonë i shtetasit shqiptar K. H., 28 vjeç, lindur në Kurbin.
Shtetasi K. H. ishte shpallur në kërkim pasi Gjykata e Rrethit Gjyqësor Sarandë, në vitin 2015 ka caktuar masën e sigurisë “Arrest në burg” për veprën penale “Vrasje me paramendim e kryer në bashkëpunim”.
Më datë 10 korrik 2015, rreth 02:00, në Sarandë, si rezultat i një mosmarrëveshjeje për motive të dobëta mes pronarit të një autolavazhi makinash, shtetasit E. M., me shtetasit G. H., E. H. dhe K. H, këta të fundit e goditën me shkop bejsbolli dhe me tytën e pistoletës. Pas kësaj një nga autorët iu afrua dhe qëlloi në drejtim të shtetasit E. M., i cili gjeti vdekjen e menjëhershme.
Si rezultat i bashkëpunimit të Interpol Tirana me Interpol Romën, u bë i mundur arrestimi i tij në Itali dhe ekstradimi drejt vendit tonë.
