Arbana Osmani në një intevistë për RevistënWho ka rrëfyer se djali i saj, Jon i ka ndryshuar jetën në çdo dimension, por edhe më të lodhshme herë pas here.
Moderatorja shprehet se ata gatuajnë bashkë, por i biri po trajnohet dalëngadalë edhe nga gjyshet.
‘Joni ka ndryshuar jetën time në çdo dimension, duke e bërë më të bukur, por edhe më të lodhshme herë pas here. Me Jonin gatimi është shumë i këndshëm, por edhe sfilitës sepse ka gishta që futen në brum, tasa që derdhen, vezë që rrihen dhe pastaj derdhen, etj. Por unë vdes të gatuaj me të, është një nga kënaqësitë më te mëdha. Joni nuk gatuan vetëm me mua, por edhe me gjyshet, kështu që dalëngadalë po trajnohet siç duhet’, ka thënë Arbana.
Më tej ajo ka shtuar se përpiqet ta ushqejë djalin shëndetshëm, por nuk e privon nga një picë në fundjavë apo nga kokoshkat në kinema.
‘Po besoj që po, edhe pse me fëmijët është e vështirë t’i ushqesh shëndetshëm në kohën kur rrethohen nga shumë gatime jo të shëndetshme. Brezi ynë vërtet është privuar nga shumë gjëra gjatë komunizmit (kur unë kam qenë fëmijë) por mungesa e çokollatave dhe gjellët e mamit na kanë bërë veçse mirë. Unë ashtu si shumë nëna përpiqem që Joni të ushqehet shëndetshëm në shtëpi, por nuk e privoj nga një picë në fundjavë apo nga kokoshkat në kinema’, përfundoi moderatorja.