Kjo është nga ato rastet e çuditshme por e vërtetë, teksa pjesëmarrësit në një funeral në Gjermani kanë përfunduar të droguar, pasi gabimisht iu servir kek me hashash.
Policia e Rostock tha se pas një ceremonie varrimi në Wiethagen, në drekën e funeralit u servir kafe dhe kek, siç është zakoni në shtetin gjerman. Por pasi kanë ngrënë kekun, 13 persona kanë shfaqur shenja të vjellash dhe marramendje dhe kishin nevojë për trajtim mjekësor.
Policia nisi një hetim dhe zbuloi se punonjësja e restorantit që merrej me prodhimin e kekëve i kishte kërkuar vajzës së saj 18-vjeçare ti piqte. Por ajo kishte marrë aksidentalisht kekun e gabuar nga frigoriferi për funeral. Ajo mori një kek që 18-vjeçarja e kishte përgatitur për një rast tjetër. Ndërkaq, policia thotë se adoleshentja është në hetim. Incidenti ndodhi në gusht por nuk u publikua më herët për të respektuar zinë.