Të gjithë e mbajmë mend paraardhësen e Luigi Soreca në Shqipëri si ambasadore e Bashkimit Evropian. Flasim për Romana Vlahutin, jo pak e komentuar gjatë kohës që shërbente këtu dhe një nga mbështetëset më të forta të reformës në drejtësi, së bashku me ish ambasadorin amerikan Donald Lu.
Prej pothuajse një viti tashmë e ka lënë këtë detyrë. Por çfarë e riktheu Vlahutinin?
Aktualisht ajo është ambasadore e BE-së për për Konektivitetin në Shërbimin e Veprimit të Jashtëm Europian (EEAS) dhe ka ardhur pikërisht me këtë detyrë. Ajo merr pjesë në “Tirana Conectivity Forum”, ku pjesëmarrës janë dhe dy ish europarlametnarët Knut Fleckenstein dhe Eduard Kukan.
