TikTok është padyshim aplikacioni i momentit. Ai është mjaft i thjeshtë dhe madje shumë shpejt po arrin nurmin e ndjekësve që ka dhe Instagrami.
Një rrjet i ri social që ka marrë kontrollin absolut të internetit dhe këtë e thonë numrat. Ai është në 34 gjuhë, ka çdo ditë 150 milionë përdorues aktiv, dhe ka qenë aplikacioni më i shkarkuar në botë në tremujorin e parë të 2018.
Por si funksionon TikTok?
Ai është një aplikacion që vjen nga Kina dhe është krijuar në shtator të 2016 nga Zhang Yiming. Lindi si një platformë me video muzikore amatore, por më pas e zgjeroi gamën me të gjitha llojet e videove të shkurtra.
“Misioni ynë është që kushdo në botë të jetë i lirë të shpreh imagjinatën e vet dhe njohjen në mënyra dhe kohë që i sheh si më të përshtatshme. Platforma mirëpret punë kreative në formën e videove që kontribuojnë në dhurimin e një eksperience të mirëfilltë, frymëzuese dhe zbavitëse”, thonë ata në Tik Tok.
Aplikacioni i jep mundësi përdoruesve të shohin klipe muzikore, të krijojnë klipe të shkurtra deri në 60 sekonda, por mbi të gjitha të modifikojnë dhe të shtojnë një numër të madh efektesh speciale sipas dëshirës dhe në mënyrë të thjeshtë.
Pra për të thjeshtuar konceptin, mund të themi që TikTok është një farë karaoke vizive ku montazhet në kufijtë e fantashkencës bëhen të realizueshme për të gjithë. Slogani i saj është “Make every second count” (Jepi rëndësi çdo sekonde) dhe që ka kuptim duke pasur parasysh që video zgjat pak sekonda.