Makina që u gjet e braktisur pranë varrezave të Shkafanës së Ishmit që dyshohet se i përket autorëve të atentatit ndaj prokurorit Arjan Ndoja, do i nënshtrohet një kqyrjeje të imtësishme të ekspertizës.
Ndërkaq, Top Channel raporton se në makinë krahas maskave dhe armëve është gjetur dhe një shishe me benzinë, çka do të thotë se qëllimi i autorëve ka qenë djegia e mjetit.
Por mesa duket plani nuk është realizuar deri në fund, pasi autorët janë larguar duke mos arritur të dëmtojnë makinën, e cila dyshohet se u përdor për atentatin.
Makina po kqyret nga grupi hetimor për të mbledhur të tjera prova, ndërsa policia sekuestroi dje edhe kamerat e sigurisë përgjatë autostradës Durrës-Tiranë, nga ura e Dajlanit deri në mbikalimin e Shkozetit, për të verifikuar lëvizjet e autorëve.