Milan është rikthyer në shtëpi pas humbjes së Superkupës me Juventusin 1-0, me gol të Kristiano Ronaldos. Sigurisht që lojtari më i kërkuar nga mediat ka qenë Gonzalo Higuain. Futbollisti është i lidhur me një transferim te Çelsi. I pyetur nga gazetarët për një kalim të mundshëm te skuadra angleze, argjentinasi ka qenë i prerë në përgjigje.
” Kërkoni të bëni rrëmujë me mua, s’keni për ta gjetur kurrë”, u shpreh ai. Kujtojmë se “Pipita” u la jashtë formacionit ditën e djeshme për shkak të temperaturës, megjithëse është aktivizuar me zëvendësim.
Mediat angleze shkruajnë se ka një akord tashmë midis Juves dhe bluve, ku argjentinasi do të huazohet për 6 muaj, e nëse bind do të rrijë edhe një tjetër vit.